صحيت النهاردة و فتحت التليفزيون , جبت قناة السعودية المقدم بتاعهم لابس الجلابية البيضة والعؤال ,
بغير جبت قناه تانية قناة المغرب اه د الرجل لابس جلابية مغربي والستات لابسين عبيات مغربي ,عرفتهم من أول نظرة حتى من غير مشوف إن ديه( قناة المغرب)
نزلت الشارع و بصيت حولية و حاولت أطبق إلي شفتوه علينا كمصريين معرفتش , مفيش لبس تشفوه كدة تحس انك في مصر
بدل على جلاليب
عبايات على بديهات
جينس على قماش
شكلنا مش واحد سمر على بيض
محجبات على سافرات
الشباب بتاعنا مليون شكل و لون إلي شبه عمك تامر حسني بشعره و دقنه والنضارة الشمس المضروبة من العتبة والجاكت إلي مائيفه والقميص المفتوح للسره دول شكل
و فيه شكل تاني الشباب إلي لبس جلاليب قصيرة و دقنه طويلة
و شباب لابسة من quicksilver و billabong و شباب لابسة من وكالة البلح
أما عن البنات فحدث ولا حرج إللي عندك عبايات ماشي, إسدالات ميضرش, بديهات كارينا و ماله (و على رأي الزميل في إذاعة تيت راديو المكينة لابسة كارينا ), بنطلونات واسعة و ضيقة, كله موضة كله شغال بنطلونات مقطعة ماشي , بنطلونات وسخة و فيها إيه يعني؟؟ بس هو السؤال إلي محيرني إيه إلي ممكن لو شفته في التليفزيون أقدر أقول اني بتفرج على قناة مصر؟؟؟
مين غير الأهرام من غير أبو الهول
من غير مسمع اللهجة المصري الجميلة ؟؟؟؟
حاجات كتير تحس بها انك اكيد اكيد في مصر يا معلم
ردحذفخد عندك في التلفزيون
*مذيعة سطحية بتهزر مع مذيع عامل فيها رزين
*برنامج اللي عمله حتى مش عارف هوا عايز منه ايه
بس ده ميمنعش ان في مذيعين ومذيعات مخترمين وقنوات هادفة
بس برضه للأسف السيئه تعم والحسنه تخص